किसान मन बर सलाह: ए अगस्त (सावन-भादो) महिना के परमुख खेती बारी के बुता काम:->

किसान मन बर सलाह: ए अगस्त (सावन-भादो) महिना के परमुख खेती बारी के बुता काम

संयुक्त जन जागरूकता अभियान,

(स्वतंत्रता संग्राम सेनानी महान समाज सेवक स्व. हिंच्छाराम खरे अउ स्व. गणेशराम खरे अऊ महान देहदानी स्व. मनोज कुमार खरे के स्मृति मं) बरिष्ठ कृषि बैज्ञानिक डॉ. चंद्रशेखर खरे (सस्य विज्ञान) अऊ जितेंद्र कुमार खरे, प्रक्षेत्र बिस्तार अधिकारी डाहर ले किसान जनहित, समाजहित मं किसान मन बर सलाह:-

ए अगस्त  (सावन-भादो) महिना के परमुख परमुख कृषि काम...

1. अगर देर होगे हे अऊ धान के रोपाई करना परत हे त पौधा के दूरी कम राखव अउ 3 ले 4 पौधा के उपयोग एकेच जगह जगाए बर करव. 

2. किसान भाई मन ला सलाह दीये जाथे के धान के अलग-अलग अवस्था मं कृषि बैज्ञानिक डाहर ले सुझाय अनुशंसित मात्रा मं नाइट्रोजन के छिड़काव करव. 

3. धान मं यूरिया के छिड़काव करे के पहिली खेत मं पानी के मात्रा कम कर देवव.

4. केला मं वाटर सकर्स के पहचान कर के निकालते रहव अऊ जऊन पौधा मं फूल या फल आइस हे त तुरते बाँस लगा के सहारा देवव.

5. मुर्गी मन ला कीटनाशक दवाई हर तीन महिना मं खिलावव.

6. मूंग, तिल, मक्का अऊ ज्वार आदि के बीजहा मन ला उपचारित करके कतार मं बुवई करव. 

7. खेत मं हरी काई के प्रकोप बड़ दिखत होवय त पानी ला निकल देवव; जेन डाहर ले खेत मं जिहां से पानी भीतरी जात हे उहीँ रद्दा म कॉपर सल्फेट ला पोटली मं बांध के रख देवव.

8. धान के खेत मं जल मांग अनुसार सिंचाई के ठीकेच व्यवस्था करव. 

9. शिमला मिर्च के नर्सरी बनावव.

10. खरीफ प्याज के खेतेच मं रोपाई करव. 

11. गुलदाउदी अऊ चाइना एस्टर बर जमीन के तैयारी करव. 

12. क्राप डॉक्टर अउ राइस आई.एफ.सी अऊ हर्बकेल-हर्बिसाइड केलकुलेटर, किसान सारथी,  एप ला गूगल प्लेस्टोर ले डाउनलोड करके खुदे कृषि के डॉक्टर बन जावव.

13. खरीफ धान के बुवाई/रोपाई के काम जिला मं चलत हे; किसान मन ला खरपतवार नियंत्रण बर सलाह दी जाथे के अलग-अलग खरपतवार नासी के उपयोग करके खेत ला खरपतवार मुक्त रखव. 

14. अंकुरण के पहिली उपयोग करे जाने वाले खरपतवार नासी: पायरेजोसल्फ्यूरान इथाइल 10% डब्ल्यूपी (साथी, ओजीका, प्रॉपर्टी आदि नाम ले मिलथे) के उपयोग नरजवा, गेगरूवा घास अऊ चौड़ी पत्ती वाला खरपतवार नियंत्रण बर बोता धान मं 0 से 3 दिन बुवाई पश्चात 80 ग्राम प्रति एकड़ के दर ले करव. 

15. प्रेटीलाक्लोर 6% प्लस बेनसलफ्यूरान इथाइल 0.6% दानेदार खरपतवार नासी के उपयोग सकरी पत्ती अऊ चौड़ी पत्ती वाला खरपतवार नियंत्रण बर बोता धान मं 0 से 3 दिन बुवाई पश्चात 4 किलो प्रति एकड़ के दर ले करव. 

16. ऑक्साइडायजिल 6% ईसी (राफ्टर, टॉप स्टार आदि नाम ले मिलथे) खरपतवार नासी के उपयोग सावा, चूहका, नरजवा अऊ कुछ चौड़ी पत्ती वाला खरपतवार जइसे चुनचुनिया, मिर्ची बन इत्यादि बर बुवाई पूर्व 0 से 3 दिन मं 600 मि.ली.  दवाई प्रति एकड़ के दर ले करव. 

17. अंकुरण पश्चात खरपतवार नासी के उपयोग: पायरेजोसल्फ्यूरान इथाइल 10% डब्ल्यूपी खरपतवार नासी के उपयोग अधिकतर चौड़ी पत्ती वाला खरपतवार जइसे चुनचुनिया, कौवाकेनी, तीनपत्तिया, जलकुंभी अऊ सकरी पत्ती वाला जइसे सावा, मोथा, नरजवा आदि बर बुवाई या रोपाई के 5 से 10 दिन बाद 80 ग्राम प्रति एकड़ के दर ले करव. 

18. बीसपायरीबैक सोडियम 10% एससी (नॉमिनी, गोल्ड, एडोरा आदि नाम ले मिलथे) खरपतवार नासी के उपयोग सबो किस्म के खरपतवार जइसे मोथा, नरजवा, बंदरपुछिया, मिर्ची, वन भेगरा, सावा, बदौरी आदि के नियंत्रण बर बुवाई-रोपाई के 20 से 25 दिन बाद 100 मि.ली.  प्रति एकड़ के दर ले करव. 

19. पेनॉक्सुलम 21.7% एससी (पिनाकसा, ग्रेनाइट, गेमेकजोन आदि नाम ले मिलथे) खरपतवार नासी के उपयोग अधिकतर घास, कूल, सकरी पत्ती वाला खरपतवार अऊ कुछ चौड़ी पत्ती वाला खरपतवार जइसे चुनचुनिया, कौवाकेनी आदि जल मं तैरइय्या खरपतवार नियंत्रण बर 37.5 मि.ली.  प्रति एकड़ के दर ले बुवाई या रोपाई के 12 से 18 दिन बाद करव.

20. फिनॉक्साप्रोप-पी एथाइल 9.3% ईसी (वहीप सुपर, जुपिटर, पयूमासुपर इत्यादि नाम ले मिलथे) खरपतवार नासी के उपयोग सकरी पत्ती वाला खरपतवार जइसे सावा, शोभना इत्यादि बर बुवाई या रोपाई के 20 से 25 दिन बाद 320 से 400 एम.एल.  प्रति एकड़ के दर ले करव. 

21. सायहेलोफाप ब्यूटाइल 10% एसी (क्लींचर, रेपअप आदि नाम ले मिलथे) खरपतवार नासी के उपयोग सावा, शोभना इत्यादि के नियंत्रण बर बुवाई अऊ रोपाई के 15 से 20 दिन बाद 300 से 400 मि.ली. प्रति एकड़ के दर ले छिड़काव करव।

🌾🌾🌾🌾🌾🌾🌾🌾🌾

जय हिंद, जय भारत, जय छत्तीसगढ़, जय जवान, जय किसान, जय विज्ञान, जय संविधान

"कृषि जीवनस्य आधारम"यूट्यूब चैनल को सब्सक्राइब लाइक एवं कमेंट, शेयर अवश्य करें...

कृषकों की सेवा में सदैव तत्पर कृषि वैज्ञानिक

🌹🌹🌹🌹🌹🌹🌹

शुभेच्छुक... 

डॉ.चंद्रशेखर खरे, वरिष्ट कृषि वैज्ञानिक 

प्रक्षेत्र प्रबंधक,शोध विद्ववान,सस्य विज्ञान 

कृषि विज्ञान केंद्र, इं.गाँ.कृ.वि.वि. रायपुर

कृषक वैज्ञानिक सलाहकार कैरियर मार्गदर्शक, 

संयुक्त जन जागरूकता अभियान, पामगढ़

8770414150, 6264388869

धर्मेन्द्र कुमार खरे-निदेशक एवं प्रमुख 

संयुक्त जन जागरूकता अभियान, पामगढ़ 

जितेंद्र कुमार खरे, प्रक्षेत्र विस्तार अधिकारी 

सुमन खरे, वरिष्ट समाज सेविका.पामगढ़